ფან ვერსია მაისური მოთამაშისგან ბევრი დეტალით განსხვავდება და ამ ბლოგში განვიხილავთ თითოეულ მათგანს. დავიწყოთ ადიდასით. მაგალითისთვის კი მადრიდის რეალის 2021/22 წლების სეზონის მაისური ავიღოთ.
პირველი განსხვავება გახლავთ მატერია: მოთამაშის ვერსია უფრო თხელი და ჰაეროვანი მატერიისგან მზადდება, რათა ფეხბურთელმა მოედანზე თავი უფრო კომფორტულად იგრძნოს.
სწორედ ამიტომ, მოთამაშის ვერსიაზე დეტალები შეიძლება უფრო გამოკვეთილი იყოს
განსხვავდება მაისურების მოყვანილობაც. მოთამაშის ვერსიას დაბოლოება შედარებით მომრგვალებული აქვს, ფანს კი - სწორი
როგორც უკვე აღვნიშნეთ, მაისურები სხვადასხვა მატერიისგან არის დამზადებული. მოთამაშის ვერსიის შემთხვევაში ადიდასი იყენებს HEAT.RDY ტექნოლოგიას, მაშინ როცა ფანების მაისური დამზადებულია AEROREADY ტექნოლოგიით. პირველი მათგანი გულისხმობს უფრო მეტ ვენტილაციას და სხეულის გადახურებისაგან დაცვას. AEROREADY კი იგივეა რაც Climalite, რომელოიც ადიდასის ძველ მაისურებზე იყო წარმოდგენილი. ამ შემთხვევაში მატერია უფრო სქელი და გამძლეა.
მოთამაშის ვერსიას ქვედა მარჯვენა კუთხეში დატანებული აქვს ლოგო, რომელზეც აღნიშნულია 21|22 AUTHENTIC LICENSED PRODUCT. ფანების ვერსიას ამ ადგილას არანაირი ლოგო არ აქვს.
ძალიან განსხვავდება მაისურებზე არსებული გუნდის ემბლემებიც. მოთამაშის ვერსიებს ძირითადად სილიკონის მატერიის ლოგოები აქვს, ფან ვერსიებს კი - ამოქარგული. ამის მიზეზიც სწორედ ფეხბურთელისთვის მაქსიმალური კომფორტის შექმნაა.
გუნდის ემბლემების გარდა განსხვავებულია ადიდასის ლოგოებიც, რომელიც მოთამაშის ვერსიებს ძირითადად ასევე სილიკონის აქვს, თუმცა ვხვდებით Heat Transfer-ით დაპრინტულსაც. ფან ვერსიებს კი უმეტეს შემთხვევაში ამოქარგული აქვს.