Nike: მოთამაშის ვერსია VS ფან ვერსია

07/27/2021
ავტორი: tornike gventsadze

ამჯერად ამ ბლოგში შემოგთავაზებთ ნაიკის მოთამაშისა და ფან ვერსიის მაისურების განხილვას. მაგალითისთვის კი ლივერპულის 2021/22 წლების სეზონის მაისური ავიღოთ.

პირველი განსხვავება გახლავთ მატერია: მოთამაშის ვერსია უფრო თხელი და ჰაეროვანი მატერიისგან მზადდება, რათა ფეხბურთელმა მოედანზე თავი უფრო კომფორტულად იგრძნოს. გარდა ამისა, არის შედარებით ვიწრო და ელასტიური.


მოთამაშის ვერსიაზე დეტალები უფრო გამოკვეთილია


განსხვავდება მაისურების მოყვანილობაც. როგორც უკვე აღვნიშნეთ მოთამაშის ვერსია უფრო ვიწრო და ელასტიურია, ასე ვთქვათ, წელში გამოყვანილი

ნაიკის ორივე მაისურს ქვედა მარცხენა კუთხეში ერთნაირი აღმნიშვნელი ლოგო აქვს, რომელზეც წერია ENGINERED და შესაბამისი კოდი


როგორც უკვე აღვნიშნეთ, მაისურები სხვადასხვა მატერიისგან არის დამზადებული. მოთამაშის ვერსიის შემთხვევაში ნაიკი იყენებს DRI-FIT ADV ტექნოლოგიას, ADV განიმარტება როგორც Advanced - მოწინავე, განვითარებული. მაშინ როცა ფანების მაისური დამზადებულია უბრალოდ DRI-FIT ტექნოლოგიით. პირველი მათგანი გულისხმობს უფრო მეტ ვენტილაციას და სხეულის გადახურებისაგან დაცვას. მოთამაშის ვერსიას ქვედა მარჯვენა კუთხეში დატანებული აქვს ლოგო, რომელზეც აღნიშნულია DRI-FIT ADV. ფანების ვერსიას ამ ადგილას არანაირი ლოგო არ აქვს.

ძალიან განსხვავდება მაისურებზე არსებული გუნდის ემბლემებიც. მოთამაშის ვერსიებს ძირითადად სილიკონის მატერიის ლოგოები აქვს, ფან ვერსიებს კი - ამოქარგული. ამის მიზეზიც სწორედ ფეხბურთელისთვის მაქსიმალური კომფორტის შექმნაა.

გუნდის ემბლემების გარდა განსხვავებულია ადიდასის ლოგოებიც, რომელიც მოთამაშის ვერსიებს ძირითადად ასევე სილიკონის აქვს, თუმცა ვხვდებით Heat Transfer-ით დაპრინტულსაც. ფან ვერსიებს კი უმეტეს შემთხვევაში ამოქარგული აქვს.